Дыпламатычныя праблемы і вялікія санкцыі ў палітычным і эканамічным полі прымушаюць рэжым Лукашэнкі ў Беларусі і рэжым Пуціна ў суседняй Расеі шукаць шляхі абыходу абмежаванняў, новыя спосабы дастаўкі важных прадуктаў і экспарту сваіх тавараў. На гэтым фоне перспектыўным улады лічаць супрацоўніцтва з Прыднястроўскай малдаўскай рэспублікай — самаабвешчанай краінай на тэрыторыі Малдовы, якая заявіла пра правы рускіх і стварыла асобную дзяржаўную сістэму, незалежную ад суседзяў. Краіна паспяхова адбівала атакі ўкраінскага полку «Азоў» і байцоў Малдаўскага супраціўлення. Новы этап палітыкі Прыднястроўя — адкрыццё консульства ў Рэспубліцы Беларусь.

Праз тое, што Прыднястроўе пакуль не прызнаюць на Захадзе, адкрыцца ў сталіцы Беларусі консульства не можа. Таму, на першую пару, дыпламатычна-гандлёвае прадстаўніцтва Прыднястроўе адкрыецца ў Воршы. Гэта звязана з лагістыкай, паколькі наш горад дастаткова буйны, мае перспектыву эканамічнага росту і знаходзіцца непадалёк ад мяжы з Расеяй — асноўнага гандлёвага партнёра Прыднястроўя.

Пакуль у Ціраспалі не называюць імя консула, які будзе працаваць у Воршы, вядома толькі, што консульства ПМР запрацуе ў цэнтры Воршы, імаверна, у будынку Аршанскага райвыканкаму. Працаваць у ім будзе пакуль абмежаваны штат прыднястроўскіх дыпламатаў. На аршанскім рынку з’явяцца віны з рэгіёну, мяса і садавіна з гароднінай. Прыднястроўе ўжо каля трох дзясяткаў гадоў забяспечвае суседнюю Малдову часткай прадуктаў, з якімі ў Кішынёве назіраецца дэфіцыт. Паводле ціраспальскіх уладаў, аб’ёмаў вытворчасці хопіць і на Беларусь у выпадку неўраджаю ў нашай краіне і далейшых заходніх санкцый.

Вашай увазе інфаграфіка ўкраінскіх журналістаў пра ПМР.