У спісе "экстрэмістаў" з'явіўся новы аршанец. Гаворка ідзе пра Казакевіча Яраслава, які яшчэ ў мінулым годзе зняў на відэа перасоўванне расейскай вайсковай тэхнікі праз аршанскі вакзал. Гэтае відэа ён даслаў "экстрэмісцкім" каналам і 9 снежня быў арыштаваны. Напачатку сілавікі не ведалі, што ў дадзеным выпадку рабіць і далі яму проста 15 сутак. Але пазней суд вырашыў, што адпраўка відэа на "забаронены" канал можа лічыцца ўдзелам у экстрэмісцкай дзейнасці і Яраслаў атрымаў два гады зняволення.
Зараз Яраслаў знаходзіцца ў Віцебскім СІЗО №2. Адрас для лістоў падтрымкі: СІЗО-2. 210026, г. Віцебск, ул. Гагаріна, 2 Казакевічу Яраславу Васільевічу
