У сустрэчы з гомельскім «Паперпрамам», якая стала для аршанцаў першай з гэтым супернікам, сіня-белыя павялі ў ліку вельмі рана. Ужо на 8-й хвіліне абаронца Аляксей Чарнадараў шыкоўным ударам «прашыў» «дзявятку» брамы гасцей. У другім тайме «Паперпрам» зраўняў лік з пенальці, а ўжо ў кампенсаваны час выйшаў наперад, калі цэнтральны абаронца аршанцаў не ўсачыў за сваім апанентам у верхавой барацьбе.
У «Воршы» заставалася пара хвілін, каб выправіць сітуацыю. На шчасце, каманда зарабіла штрафны ўдар і да «пункту» падышоў капітан «швейнікаў» Вадзім Бальбух. Трапны стрэл са штрафнога, і аршанцы вырвалі ў матчы нічыю 2:2.
Частка матчаў у туры праходзіць у нядзелю, 25 чэрвеня.
