49-гадовага палітвязня Паўла Саву затрымалі 1 снежня 2020 году ў «справе Аўтуховіча». Яго абвінавацілі паводле двух артыкулаў Крымінальнага кодэксу: ч. 2 арт. 285 («Удзел у злачыннай арганізацыі») і ч. 3 арт. 289 («Акт тэрарызму, здзейснены групай асобаў»). У кастрычніку 2022 году Гарадзенскі абласны суд прызначыў Паўлу 20 гадоў калоніі ва ўмовах узмоцненага рэжыму і 700 базавых велічыняў штрафу (22 400 рублёў).
Тэрмін палітвязня накіравалі адбываць у аршанскую калонію № 8.
Але сёння, 12 лютага, у судзе разглядаюць справу аб «замене рэжыму ўтрымання» і пераводзе Паўла ў іншую папраўчую ўстанову. Яго могуць перавесці на турэмны рэжым, паведамілі праваабаронцы.
Адрас Паўла Савы: ПК № 8. 211388, Віцебская вобл., г. Ворша, вул. Леніна, 195А.
