Месяц таму, пасля выпадку з камуністам, «чорным генералам» Мікалаем Петрушэнкам у якасці прэцэдэнту, наша рэдакцыя спытала «Ці шкада вам прыхільнікаў улады, якія самі патрапляюць пад палітычныя рэпрэсіі?»
Аказалася, аўдыторыя Orsha.eu не проста масава асуджае даносчыкаў, але і не лічыць патрэбным іх шкадаваць, калі яны самі трапляюць у турмы.
Цэлых 87,5% удзельнікаў апытання выбралі варыянт «Не шкада. Гэта справядліва — закон бумеранга».
Яшчэ 10,9% удзельнікаў не падзяляюць ахвяраў рэжыму на сараўдных змагароў з ім і пасаджаных прыхільнікаў. Яна адзначылі, што «шкада ўсіх беларусаў, бо законы зусім не працуюць».
Не знайшлося ніводнага чалавека, які выбраў бы варыянт «Шкада, яны ж таксама ахвяры», такім чынам, даносчыкі, якія трапляюць за краты самі, не сустракаюць ніякай асаблівай спагады ад людзей пасля таго, што рабілі з беларусамі самі. Таксама 0,0% у варыянта «Не жалко никого. Надо восстанавливать ГУЛАГи и всех туда!» Гэта можа сведчыць пра тое, што сярод аўдыторыі нашага каналу няма сталіністаў і прыхільнікаў іншых радыкальных ідэалогій.
Дзякуй чытачам за ўдзел у апытанні, заставайцеся з Orsha.eu!
