Напэўна за ўсе гады існавання такога свята як міжнародны Дзень роднай мовы - гэтае ў Оршы было самым масавым. Каля 39 чалавек сабралося ў парку "Казачная краіна" каля помніка Караткевіча, каб ускласці кветкі і прачытаць вершы вядомага пісьменніка. А далей людзі рушылі на памяшканне па вуліцы Камсамольскай, дзе звычайна праходзяць беларускамоўныя мерапрыемствы.

Тут да тых хто быў каля помніка далучыліся і тыя хто хацеў прыйсці толькі на прэзентацыю. У выніку ў не вялікай залі месца ўсім не хапіла - сабралося больш за 50 чалавек. Пачалося адзначэнне Дня мовы з таго, што прысутным прапанавалі разгадаць даволі складаную крыжаванку звязаную з белаурскай мовай і мовамі свету. Далей Павал Севярынец у выглядзе дыктоўкі прачытаў урывак з аднаго са сваіх апавяданняў. Тыя хто лепш за ўсіх адгадалі крыжаванку атрымалі сімвалічныя прызы, а ўсе ўдзельнікі дыктоўкі змаглі паставіць на сваіх аркушах тэксту аўтограф Севярынца.

Апошняй часткай мерапрыемства стала прэзентацыі кнігі Паўла Севярынца "Каменнае сэрца". Кніга выйшла ў серыі "Беларуская турэмная літаратура" і стала 6-ым выданнем серыі. Наконт назвы кнігі Павал патлумачыў, што так у мінскім маладым фронце называлі турму "Амерыканку" - яна знаходзіцца ў сэрцы Мінска. У кнігу ўвайшлі тыя творы, якія Павал пісаў пры розных адсідках, частка з іх раней ужо публікавалася, частка пабачыла свет упершыню. Прэзентаваў Севярынец і іншыя выданні, якія зараз робіць разам са сваёй жонкай.