Рэгіён, Здарэнні

Затрыманы нелегалы

28.10.2019 11:21

2477 праглядаў, 1 каментар

На М1 затрымалі машыну, у якой грамадзянін Кыргызстана перавозіў двух нелегалаў з Індыі.

27 кастрычніка ў 02.35 міліцыянтамі на аўтадарозе Берасце-Менск-мяжа РФ непадалёк ад вёскі Мураўнічы Талачынскага раёна была затрымана аўтамашына "Хёндэ-Салярыс", якой кіраваў грамадзянін Кыргызстана. У салоне аўто ў якасці пасажыраў знаходзіліся два грамадзяніна Рэспублікі Індыя 1986 і 1970 гадоў нараджэння, якія не маюць дазволу на ўезд і знаходжанне на тэрыторыі Рэспублікі Беларусь, паведаміла Аддзяленне інфармацыі і грамадскіх сувязяў УУС Віцебскага аблвыканкама. У дачыненні да грамадзян Індыі складзеныя адміністрацыйныя пратаколы па частцы 1 артыкула 23.55 КаАП (Парушэнне заканадаўства аб прававым становішчы замежных грамадзян і асоб без грамадзянства).