Аказалася, што ў базе вакансій Аршанскага раёна не так шмат аб’яў для медыцынскіх работнікаў. Няўжо ў нашых бальніцах і паліклініках амаль поўны камплект, ці ёсць іншая прычына? Што вы думаеце на гэты конт? Пішыце ў каментарах.
Напрыклад, лекар на паўстаўкі патрэбны Аршанскаму рэгіянальнаму дыспансеру спартыўнай медыцыны - прапануюць ад 730 да 740 рублёў.
Лекара спартыўнай медыцыны шукае хакейны клуб "Лакаматыў-Орша" - ад 1200 да 1500 рублёў.
На хуткую дапамогу патрэбны лекар з заробкам 2026 рублёў.
Занальны цэнтр гігіены і эпідэміялогіі абяцае лекару 2000–2100 рублёў.
ІК-12 прапануе лекару ад 2527 да 3034 рублёў, а медсястры - ад 1392 да 1942 рублёў.
Віцебскі абласны шпіталь для інвалідаў Вялікай Айчыннай вайны "Юрцава" мае патрэбу ў санітарцы (заробак 749-847 рублёў), а таксама ў медсястры - 1035-1301 рубель.
Бабініцкі сацыяльны пансіянат "Зорны" шукае медсястру - гатовыя плаціць каля 1060 рублёў.
Медсястра патрэбна таксама Цэнтру карэкцыйна-развівальнага навучання і рэабілітацыі - 190-200 рублёў, гэта 0,25 стаўкі.
Санітарку шукае цэнтральная паліклініка - 734-878 рублёў.
Санітарку гатовы прыняць на працу і пансіянат "Шчаслівае даўгалецце" - заробак 800-900 рублёў.
Вось і ўсё, што мы знайшлі ў агульнабеларускім банку вакансій. Чаму мы абапіраліся менавіта на гэты рэсурс? Справа ў тым, што з 1 студзеня 2025 года працадаўцы абавязаны публікаваць інфармацыю пра свабодныя працоўныя месцы ў Агульнарэспубліканскім банку вакансій на партале службы занятасці. І толькі пасля гэтага яны маюць права размяшчаць вакансіі на іншых рэсурсах.
