На 100 тысяч рублёў плануюць закупіць спартовае абсталяванне ў колькасці 15 штук і яшчэ 150 рублёў будзе выдаткавана на яго ўстаноўку. Аздараўленчы летнік “Лянок” запросіць дзяцей і падлеткаў на адпачынак у традыцыйны час - у чэрвені.
“Льнокамбінатаўскі” летнік каля вёскі Чырвоная Харкаўка на Аршаншчыне працуе ужо 75 гадоў. Праўда, на момант адкрыцця ў 1951 годзе ен меў іншую назву - “Чайка”.
Летась старшыня Аршанскага райвыканкама Ігар Мароз заяўляў, што “Лянок” мусіць стаць узорна-паказальным. Зразумела, што без значных грашовых укладанняў гэта нерэальна.
У Оршы памятаюць гісторыю базы адпачынку, якую льнокамбінат збіраўся адчыніць побач з летнікам. Прадпрыемства “не пацягнула” выдаткі нават на завяршэнне будаўніцтва і вырашыла пазбавіцца ад гэтай маёмасці. Яе выставілі на аўкцыён яшчэ ў 2014 годзе, і толькі ў 2021-м знайшоўся інвестар, ахвотны яе купіць. Але дагэтуль база адпачынку так і не прымае наведнікаў.
