У Лёзненскім аддзеле МНС сігнал пра пра пажар унутры будынка на тэрыторыі мехдвара ААТ “Рубежніца” ў аграгарадку Веляшковічы атрымалі ў 18-14. Праз некалькі хвілін ратавальнікі прыехалі на месца. Будынак дыспетчарскай ужо гарэў адкрытым полымем.
Унутры будынка нікога не было - здарэнне абышлося без чалавечых ахвяраў. Але згарэла маёмасць , агнём пашкоджаны дах і сцены.
Прычына пажару ўдакладняецца.
У мінулым месяцы супрацоўнікі МНС таксама выязжалі ў аграгарадок Веляшковічы на тэрміновы выклік. Тады гарэў мікрааўтобус, прыпаркаваны каля прыватнага дома. Аўтамабіль загарэўся праз колькі хвілін пасля таго, як гаспадар з яго выйшаў. Прычына пажару - няспраўнасць электраправодкі.
