Рэгіён, Здарэнні

260 чалавек апынуліся ў задымленым цягніку Орша — Крычаў

26.04.2025 21:18

579 праглядаў, 0 каментароў

У суботу 26 красавіка ў 15:50 на станцыі Пагодзіна (горад Горкі) адбылося задымленне ў машынным аддзяленні дызель-цягніка № 6537, які рухаўся з Оршы ў Крычаў.

Лакаматыўная брыгада дзейнічала аператыўна і ліквідавала задымленне да прыезду супрацоўнікаў МНС.

На момант інцыдэнту ў цягніку знаходзіліся 260 пасажыраў, яны самастойна пакінулі вагоны. Ніхто з іх не пацярпеў.

З-за здарэння цягнік прыбыў на канчатковую станцыю з затрымкай да двух гадзін. Таксама прыкладна на паўтары гадзіны затрымаўся зваротны рэйс дызель-цягніка №6536 Крычаў – Орша.

Беларуская чыгунка паведаміла, што праводзіць службовае расследаванне, каб высветліць прычыну інцыдэнту.