Паводле «Пераліку арганізацый, фармаванняў, індывідуальных прадпрымальнікаў, датычных да экстрэмісцкай дзейнасці», абноўленага 30 красавіка на сайце МУС, Дзмітрый Карняенка ўваходзіць у склад “экстрэмісцкага фармавання” пад назвай “Народный дэпутат”.
Гэта віцебская ініцыятыва, якая займаецца аналізам дзейнасці мясцовых дэпутатаў і чыноўнікаў, выкрывючы недахопы ў іхнай працы. Найхутчэй, Дзмітрыя Карняенку”далучылі” да “фармавання” з нагоды ягонага ўдзелу ў гутарках на YouTube-канале “НарДеп”. Гэты канал таксама фігуруе ў “экстрэмісцкім” пераліку на сайце ведамства.
Рашэнне прызнаць ініцыятыву “Народный дэпутат” “экстрэмісцкім фармаваннем” прыняў 21 красавіка КДБ Беларусі.
У пачатку месяца КДБ пастанавіў лічыць “экстрэмісцкім фармаваннем” праект «Хрысціянская візія». У ліку ўдзельнікаў таксама фігуравала імя Дзмітрыя Карняенкі. Ураджэнец Оршы ўжо некалькі год жыве ў вымушанай эміграцыі.
