6 сакавіка ў судзе Аршанскага раёна і г.Оршы будуць судзіць Наталлю Говараву. Супраць жынчыны распачата крымінальная справа па ч. 1 арт.369 КК (Абраза прэзідэнта Рэспублікі Беларусь) і па арт. 369 КК (Абраза прадстаўніка ўлады) . Суддзёй прызначана Юлія Вяршыніна.
На мінулым тыдні гэтая ж суддзя разбірала 5 палітычна матываваных адміністрацыйных справаў. Усе судовыя разбіральніцтвы адбыліся на падставе пратаколаў, складзеных за “распаўсюд экстрэмізму” у сацыяльных сетках.
Так, 27 лютага у судзе Оршы і Аршанскага раёна на падставе ч.2 арт.19.11 КаАП судзілі
Васіля Шыцікава,
Васіля Парфененку,
Аляксея Сукорскага.
28 лютага па тым самым артыкуле судзілі
Крысціну Канееву,
Вольгу Дзячэнка.
Пратаколы на падставе ч.2 арт.19.11 КаАП складаюць у тым выпадку, калі ў сацыяльных сетках у інтэрнэт-карыстальнікаў заўважаюць падпіскі на рэсурсы, уключаныя ў Рэспубліканскі спіс экстрэмісцкіх матэрыялаў. Гэты спіс апублікаваны на сайце Міністэрства інфармацыі і абнаўляецца некалькі разоў на тыдзень. Але пад суд можна трапіць нават за падпіску, зробленую яшчэ задоўга да таго, як адпаведны інтэрнэт-рэсурс прызналі “экстрэмісцкім”.
