Днём 4 сакавіка і на працягу сутак 5 сакавіка на большай частцы тэрыторыі Беларусі чакаецца ўзмацненне заходняга ветру з парывамі 15-20 м/с. У Оршы прагназуюцца ападкі ў выглядзе дажджу.
МНС папярэджвае аб магчымым парушэнні электразабеспячэння і рэкамендуе пры моцным ветры заставацца ў памяшканнях і прыбраць гаспадарчыя рэчы з двара і балконаў.Таксама пры парывах ветру варта пазбягаць знаходжання каля хісткіх будынкаў, старых дрэў, абарваных правадоў ліній электраперадач, разбітага шкла і іншых крыніц небяспекі.
Аднак сіноптыкі абяцаюць, што пачынаючы з 6 сакавіка надвор'е будзе паляпшацца. Дождж скончыцца, і паветра прагрэецца да +10 градусаў. У наступныя два дні будзе яшчэ цяплей: 7 і 8 сакавіка чакаецца +12 градусаў і яркае вясновае сонца.
Праўда, у канца тыдня вясна трохі адступіць: 9 сакавіка тэмпература апусціцца на пару градусаў, на небе з'явяцца лёгкія аблокі. Але для пераменлівага сакавіцкага надвор'я гэта цалкам нармальная з'ява.
