Працы распачнуцца сёлета ў верасні, пасля закрыцця чарговага летняга сезону. Абяцаюць поўную замену атракцыёнаў і ўстаноўку новых — толькі для дарослых. У парку мяркуюць зрабціць асобныя тэматычныя пляцоўкі МНС і ДАІ, для вывучэння правілаў ПДД у парку хочуць нанесці адмысловую разметку, згодна з якой будзе курсіраваць адмысловы дзіцячы цягнічок. Карацей, перамены адбудуцца глабальныя: па-новаму будуць пракладзеныя забрукаваныя сцяжынкі, зменяцца ландшафтны дызайн і малыя архітэктурныя формы.
Канкрэтных планаў, якім чынам будзе выглядаць дзіцячы парк пасля рэканструкцыі, аршанцам не паказваюць — яе толькі анансавалі .
Якраз гэта і выклікае трывогу. Падчас апошняй рэканструкцыі парка да «Дажынак-2008» быў перанесены помнік Уладзіміра Караткевічу — знакамітаму аршанскаму пісьменніку. Ён быў усталяваны ў 1992 г. на месцы хаты, дзе да вайны жыла сям’я Караткевічаў. Але да «Дажынак» на гэтым месцы вырашылі збудаваць прыбіральню, а помнік перасунулі. Ён апынуўся ў «кампаніі» маламастацкіх бетонных фігурак — герояў казак і мультфільмаў.
Ці плануюць яго пераносіць зноў, і як ён будзе глядзецца ў новым ландшафце — не вядома. Як і тое, ці будзе магчымасць падыйсці да помніка, каб ускласці кветкі. Нагадаем, сёлета 26 лістапада будуць адзначацца
