Аршанка сустрэла ў Telegram прапанову купіць правы кіроўцы без праходжання навучання і здачы экзаменаў.
Жанчына звязалася з" прадаўцом", які паабяцаў вырабіць пасведчанне кіроўцы ўсяго толькі за 1950 рублёў, але па перадаплаце. Грошы былі паспяхова пераведзеныя, але абяцанае пасведчанне жыхарка Воршы так і не атрымала.
Усведамляючы, што давядзецца расказаць пра жаданне падмануць ДАІ, аршанка спачатку не наважвалася звярнуцца ў органы міліцыі. Але страчаных грошай было шкада, і заява ў Аршанскі РАУС была напісана.
Цяпер супрацоўнікі міліцыі шукаюць "прадаўца" -махляра. Але ў дадзеным выпадку яшчэ пытанне, хто вінаваты больш: ашуканец з Telegram ці жанчына, якая вырашыла купіць падробленае пасведчанне без навучання ў аўташколе і здачы тэарэтычнага і практычнага экзаменаў у ДАІ. Яна была гатовая сесці за руль, не падумаўшы аб небяспецы, якой падвяргае сябе і навакольных няўмелы кіроўца.
