Архіўны дакумант апублікаваны ў адным з тэлеграм-каналаў, прысвечаных гісторыі. Але ён прысвечаны не беларускай гісторыі, таму ягоны адрас не прынцыповы для нашай масавай аўдыторыі, а спецыялісты і самі змогуць знайсці. дакумант датаваны 20 траўня 1904 года. Што ў ім цікавага?
Гэта «Заключэнне» паліцэйскіх, якія разбіралі страшане злачынства: каля мястэчка Мікуліна Аршанскага уезда былі знойдзеныя эсэраўскія ўлёткі. А ў іх тэкст «К деревенской бедноте» Н. Леніна (так, у дакуманце той самы Ленін не В., а Н.). Скрутак улётак знайшоў мясцовы селянін па дарозе праз поле. І перадаў улёткі мясцоваму настаўніку, а той ужо аддаў іх у паліцыю. Улёткі былі знойдзеныя 8 студзеня 1904 года, а разбіральнітцтва ішло да 20 траўня таго ж года. І толькі 20 траўня пракуратура (дарэчы, Кіеўская) пастанавіла спыніць разбіральніцтва па справе, бо вінаватых па справе знайсці не атрымалася.
Вёска Мікуліна — частка Вялікага княства, якая цяпер (з 1919 года) знаходзіцца ў Смаленскай вобласці Расеі. Пра спадчыну ВКЛ тут цяпер нічога не нагадвае, але быў — цяпер знішчаны — Бернардынскі манастыр. У 1904 годзе, калі мясцовая паліцыя расследвала «страшнае злачынства», вёска знаходзілася ў складзе Аршанскага ўезда Магілёўскай губерніі і была сталіцай сваёй воласці.
