За «экстрэмізм» у Воршы судзілі чыгуначніка. Вердыкт суда нам пакуль невядомы.
Раней стала вядома, што 5 лютага быў затрыманы Дзмітрый Тыманюк, працаўнік лакаматыўнага дэпо Орша.
Як даведаўся канал «Віцебск, я гуляю!», яго па артыкуле аб распаўсюдзе «экстрэмісцкіх» матэрыялаў судзіла Ганна Кубракова. Што менавіта «крамольнага» знайшлі ў машыніста — невядома.
У 2016 годзе Тыманюк як машыніст электравоза (на фота злева) разам з памочнікам стаў пераможцам спаборніцтваў сярод маладзёжных брыгадаў Беларускай чыгункі па выніках 2015 года.
