Пажылая пенсіянерка патанула ў калодзежы глыбінёй 2,5 метра па вуліцы Садовай. Пра інцыдэнт у 7.04 раніцы 11 лютага ў МНС паведамілі мясцовыя жыхары. Ратавальнікі дасталі цела патанулай з вады, але дапамагчы ёй ужо нічым было нельга.
Акалічнасці здарэння высвятляюцца следчымі органамі.
Аграгарадок Райцы за апошнія два тыдні ўжо другі раз трапляе ў зводкі надзвычайных здарэнняў. У ноч з 27 на 28 студзеня там здарыўся пажар, у выніку якога гаспадар кватэры апынуўся ў бальніцы. Ён заснуў з непатушанай цыгарэтай, якая падпаліла канапу, і 63-гадовы мужчына надыхаўся дымам і атрымаў апёкі.
