Нельга сказаць, што раней у нашым рэгіёне па палітычных артыкулах зусім не судзілі прыхільнікаў Лувкашэнкі. Узгадаць хаця б Мікалая Петрушэнка, які ледзь не памёр у зняволенні пад час адбывання "сутак" за стары артыкул на сваёй старонцы. Але за паошні тыдзень гэта стала рэгулярнай з'явай.

Так, 27-га чысла ў Оршы за "распаўсюд экстрэмізму" судзілі 26-гадовага Андрэя Падабедава, які на сваіх старонках у сацыяльных сетках публікуе фотаздымкі з Саладухай, з дзяржаўных мерапрыемствах і посты ў падтрымку расейскай агрэсіі супраць Украіны.

29 лістапада стала вядома, што была асуджана Алена Чарнавіна. Амаль кожны другі пост у яе "Аднакласніках" пра падтрымку Расеі ў вайне.

А ўчора, 3 снежня, адбыўся суд над 35-гадовым Дзмітрыем Белашовым (на фота), які ў сац.сетках піша "Я - пособник "кровавого режима" Лукашенко! И знаете, горжусь этим". У сваіх відэа ён не рэдка выказваецца ў падтрымку ўлады: у 2020 годзе удзельнічаў у праўладным мітынгу ў Оршы, на днях паставіў подпіс за камуністычнага "кандыдата" ў прэзідэнты і г.д. Судзілі яго адразу па двух артыкулах: прапаганда нацысцкай сімволікі і правядзенне несанкцыянаванага мерапрыемства. Фактычна, пад гэтыя артыкулы сёння можа патрапіць амаль усё што заўгодна - залежыць ад трактоўкі закона.