"Беларускі інстытут публічнай гісторыі" - гэта незалежнае аб’яднанне беларускіх гісторыкаў і даследчыкаў у выгнанні, зарэгістраванае ў Варшаве. Узначальваюць арганізацыю акадэмічны дырэктар, кандыдат сацыялягічных навук Аляксей Ластоўскі і старшыня праўлення, даследчык сталінскіх рэпрэсій на Аршаншчыне Ігар Станкевіч.
27 сакавіка Тэлеграм-канал гэтай арганізацы ўключылі ў Рэспубліканскі спіс экстрэмісцкіх матэрыялаў, прычым ужо другі раз. Першы раз такое рашэнне прыняў увосень 2024 года суд Партызанскага раёна Мінска. А нядаўна - 25 сакавіка - яшчэ і суд Ленінскага раёна Брэста.
Увогуле ў Рэспубліканскім спісе экстрэмісцкіх матэрыялаў на сайце Міністэрства інфармацыі згадваюцца некалькі інтэрнэт-рэсурсаў, да якіх мае дачыненне даследчык сталінскіх рэпрэсій у рэгіене. Так, сёлета ў студзені “экстрэмісцкімі” былі прызнаны групы з насзвай "Кобыляки. Расстреляны в Орше" у сацыяльных сетках "Одноклассники","ВКонтакте" і ў"Facebook".
