Старонка ў сацыяльнай сетцы "ВКонтакте" пад назвай "ВОЛАТ" была прызнана «экстрэмісцкай інфармацыйнай прадукцыяй» 6 лютага – у той дзень дубровенскі суд прыняў адпаведнае рашэнне.
У Рэспубліканскім спісе экстрэмісцкіх матэрыялаў на сайце Міністэрства інфармацыі згадка пры гэта з'явілася толькі 11 лютага. Такім чынам, 1726 падпісчыкаў старонкі апынуліся ў кепскім становішчы: пяць дзён яны не ведалі, што з'яўляюцца прыхільнікамі «экстрэмісцкага» рэсурса. І маглі быць прыцягнуты да суду па ч.2 арт.19.11 КаАП за «распаўсюд» экстрэмісцкіх матэрыялаў. Пад штраф ці арышт маглі трапіць нават тыя, хто рабіў рэпосты або ставіў «лайкі» публікацыям «Волата».
Гісторыка-краязнаўчае выданне "ВОЛАТ" было заснавана ў Вілейцы ў 2004 годзе. За гэты час убачылі свет 33 нумары выдання.Таксама рэдакцыя займаецца рознымі краязнаўчымі, гістарычнымі, культуралагічнымі мерапрыемствамі. На аднайменнай старонцы "ВКонтакте" публікуюцца матэрыялы па гісторыі Беларусі, фотарэпартажы з падарожжаў, аповеды ўдзельнікаў.
