Найніжэйшая тэмпература ўначы зафіксаваная менавіта ў Воршы і Аршанскім раёне, гэта -4,9 градуса. У суседнім Сенненскім, напрыклад, было толькі -2,6.
Халодна было і пад Бабруйскам, там слупок тэрмометру паказаў -4,8 градуса.
Замаразкі абмінулі толькі Салігорскі раён, там быў «плюс», а менавіта 1,4 градуса вышэй за нуль.
Вяртанне халоднага надвор’я прагназуецца нядоўгім, але замаразкі могуць паспрыяць скасаванню забароны на наведванне лясоў. Забароны ўвялі пасля шматлікіх пажараў і пажаранебяспечнай сітуацыі ў шэрагу лясоў, у тым ліку ў нашым рэгіёне.
