Пра здарэнне ў вёсцы Раманаўка Сенненскага раёна паведамляе мясцовая раённая газета. Для Сененшчыны праблема шаленства ў гэтым годзе вельмі актуальная. Толькі ад пачатку года тут выяўлена 14 выпадкаў шаленства. 8 разоў выяўляліся хворыя лісу, 3 разы яноты, па адным разе хваробы выявілі ў сабакі і каровы. І ўпершыню за год хворая жывёла напала на чалавека. Гэтага воўка мясцовыя жыхары ўжо бачылі ў наваколіцах днём таго дня калі ён напаў на чалавека. Пабываў воўк і ўсуседніх вёсках дзе не баяўся, нават, заходзіць у двары, канфліктаваў з сабакамі і проста сядзеў на дарозе. Але ў мясцовых жыхароў такія смелыя паводзіны дзікай жывёлы не выклікалі аніякіх падазрэнняў.
Жанчына вечарам выйшла з дому, каб перадаць знаёмым такія-сякія рэчы. Ёй падалося, што пад нагамі круціцца нейкі малы сабака — гаворыць жанчына. Ліпавы шчанюк круціўся ў яе пад нагамі, а потым без прычыны ўкусіў. Тая адмахнулася торбай і сабачонак збег. Гэта муж жанчыны зразумеў, што кусаў жонку не шчанюк, а здаровы і, магчыма, хворы воўк. Каб пераканацца ў сваіх падазрэннях мужчына сеў за стырно і паехаў па вёсцы ў пошуках крыўдзіцеля. Літаральна праз 150 метраў ён пабачыў таго самага ваўка, які без боязі сядзеў на дарозе. Мужчына разагнаўся і паспрабаваў збіць жывёлу. Па адчуваннях, воўк патрапіў пад машыну, тым больш, што без боязі працягваў сядзець на асфальце. Але на асфальце мужчына яго не пабачыў і паехаў дамоў. Тут ужо ён распавёў пра хворую жывёлу жонцы, выклікаў міліцыю і хуткую дапамогу.
Пакуль мужчына выклікаў адмысловыя службы, на вуліцы загаўкаў сабака Белка — воўк цяпер нападаў на яго. Сабака спрабавала адбівацца, але паступова адыходзіла ў будку. Сабака мог і цалкам прайграць, калі б гаспадары не дамаглі адпужнуць драпежніка петардамі, што засталіся ад новага году. Пакуль ішлі баталіі сабакі і ваўка з дапамогай гаспадарскай артылерыі, у вёску прыехала міліцыя і егеры ў якіх былі з сабой стрэльбы з прыборамі начнога бачання. Лёс возка быў вырашаны. А аналізы ўзятыя ўжо ў мёртвай жывёлы падцвердзілі — воўк сапраўды быў хворым на шаленства.
