1 снежня ў 4-40 раніцы ў вагоне цягніка "Масква-Менск" аршанскімі міліцыянтамі былі затрыманыя два грамадзяніны Народнай Рэспублікі Бангладэш. Мужчыны 1973 і 1979 года нараджэння не мелі неабходных дакументаў для ўезду ў Беларусь. Нелегалы, якія, па іх словах, накіроўваліся ў Менск з турыстычнымі мэтамі, былі прыцягнуты да адміністрацыйнай адказнасці па частцы 1 артыкула 23.55 КаАП Рэспублікі Беларусь. За парушэнне заканадаўства аб прававым становішчы замежных грамадзян і асоб без грамадзянства. Жыхары Бангладэш былі дэпартаваныя з Беларусі.
Варта адзначыць, што ў пачатку года міліцыяй Оршы былі затрыманыя ўжо 9 груп нелегальных мігрантаў. Сярод 22 асоб, якія парушылі правілы ўезду ў Беларусь, грамадзяне Пакістана, Ірака, Бангладэш, Афганістана, Алжыра і Дамініканскай Рэспублікі. Праўда, звычайна асобы нелегалаў не раскрываюцца, але ў гэты раз чамусьці МУС на сваіх рэсурсаў раскрыла твары двух мужчын-нелегалаў.
Папярэдні раз нелегалаў з Бангладэш затрымлівалі на аршанскім вакзале 10-га траўня.
