Аварыя адбылася 7 снежня каля 5 гадзін раніцы на 570-км аўтадарогі "Берасце-Менск-мяжа з Расеяй" на тэрыторыі Аршанскага раёна. 52-гадовы жыхар Менска, кіруючы аўтобусам "SETRA", здзейсніў сутыкненне з раварысткай 1981 года нараджэння, якая перасякала праезную частку дарогі. У выніку ДТЗ 38-гадовая жыхарка Аршанскага раёна загінула на месцы здарэння. Па факце ДТЗ праводзіцца праверка.
Дзяржаўтаінспекцыя нагадвае, што на нерэгуляваным скрыжаванні веласіпеднай дарожкі з дарогай веласіпедыст абавязаны саступіць дарогу транспартным сродкам, якія рухаюцца па гэтай дарозе. Пры руху па дарогах у цёмны час сутак і ва ўмовах недастатковай бачнасці на веласіпедзе павінны быць уключаны: спераду — фара (ліхтар) белага колеру, ззаду — ліхтар чырвонага колеру.
