Орша, Здарэнні

Жанчыну не ўдалося выратаваць

23.02.2020 19:26

5095 праглядаў, 2 каментара

У аварыі пад Стахоўкай пацярпелі тры чалавекі, адна з іх памерла ў бальніцы. (фото)

Жудасная аварыя адбылася ўчора, 22 лютага, а шостай гадзіне вечара на трасе М-8 Мінск-Віцебск каля вёскі Стахоўка.

Нагадаем, за рулём «Volkswagen Passat» быў малады кіроўца, 2000-га года нараджэння, абганяючы спадарожную машыну, ён не пераканаўся што сустрэчная паласа вольная і на вялікай хуткасці ўрэзаўся ў «Renault Megane» кіраваў якім 67- гадовы мужчына.

Ад удару пацярпела 18-гадовая дзяўчына якая ехала з хлопцам і 2 пасажыра аўтамабіля «Renault» 1957 і 1980 гадоў нараджэння. Усе пацярпелыя былі дастаўлены ў бальніцу. Па нашай інфармацыі, жанчына 1980 года нараджэння якая ехала ў «Рэно» памерла ў бальніцы. На жаль, выратаваць яе не ўдалося. Прыносім шчырыя спачуванні родным і блізкім.