Як распавялі нам работнікі прадпрыемства, каля абедзенага перапынку на фабрыцы падняўся пярэпалах. Адной з работніцаў стала кепска, у яе была высокая тэмпература і іншыя сімптомы падобныя на сімптомы рєспіраторнага вірусу. Пра гэта паведамілі ў хуткую дапамогу, а ўжо прыезд хуткай дапамогі выклікаў ледзь не паніку.

Супрацоўнікі службы 103 прыехалі ў масках ды іншых сродках абароны (некаторыя казалі, што прыехалі медыкі ў суправаджэнні міліцыі), жынчыну тут жа пагрузілі на насілках і вынеслі, таксама выкарыстоўваючы сродкі абароны. Не дзіўна, што пасля пабачанага па фабрыцы пайшлі чуткі пра выяўленне ў жанчыны каранавіруса і тое, што нядаўна яна ў Віцебску кантактавала з хворымі.

Насамрэч, панікаваць не варта. У сёняшніх умовах медыкі праяўляюць больш пільнасці і таму на выклікі з падазрэннямі на ЛЮБЫ вірус выязжаюць з адмысловымі сродкамі абароны. Таму казаць пра тое, што ў жанчыны менавіта каранавірус аніяк не выпадае - гэта будзе абвергнута ці падцверджана пасля адмысловых аналізаў.

Больш за тое, каранавірус не на шмат страшней чым звычайны грып, а па некаторых паказчыках і меньш страшны, толькі панікі ад яго болей. І як і пры звычайным грыпе варта выконваць некаторыя меры перасцярогі - мыць рукі, пры кепскім самаадчуванні зменьшыць кантакт з людзьмі і выклікаць дактароў, а не ісці ў месцы дзе шмат людзей.