Пра аварыю не паведамлялі афіцыйныя крыніцы, тое што адбылося менавіта ДТЗ можна зразумець пабачыўшы само месца здарэння. Як гавораць тыя хто пабываў на месцы, аварыя магла адбыцца 28 сакавіка на дарозе ў бок Коханава паміж вёскамі Белева і Клюшнікава. На збочыне тут яшчэ і на насступны дзень да другой паловы дня валяўся забіты лось, відавочна, збіты аўтамабілем, а потым адцягнуты з дарогі. На самой дарозе заўважны тармазны шлях каля 30 метраў, кроў (спадзяемся, што толькі кроў жывёлы) і дробныя парэшткі аўтамабіля. Калі б пры такім тармазным шляху лось быў збіты легкавым аўтамабілем, то можна было б гаварыць і пра чалавечыя ахвяры.
