Як паведамляе УУС Віцебскага аблвыканкама, сваіх зберажэнняў жанчына пазбавілася пасля настойлівай псіхалагічнай апрацоўкі: ёй паступіла пяць званкоў ад нібыта супрацоўнікаў банка, якія інфармавалі аб спісанні грошай з рахунку і прапаноўвалі тэрмінова праверыць гэтыя дадзеныя. Неабходна было толькі назваць некаторыя рэквізіты карты. Наслухаўшыся аб інтэрнэт- махлярствах, жанчына адмаўлялася.
Апошнім довадам стала прапанова зверыць нумар тэлефона тэхнічнай падтрымкі кліентаў банка і нумар, з якога ідзе званок. Супаў ўвесь нумар за выключэннем кода. Але на гэта жанчына не звярнула ўвагі. Пасля агучвання рэквізітаў грошы з карты адразу зніклі.
