Цэлы тыдзень будуць ліць дажджы, а цёпла стане толькі ў выходныя. У аўторак амаль цэлы дзень ліў дождж, непрыемныя адчуванні ўзмацняліся яшчэ і скрайне непрыемным ветрам і ўвогуле халодным надвор'ем. Выходзіць з дому ў такі дзень зусім не хочацца. Але гэта не канец - амаль увесь тыдзень такое надвор'е і працягнецца.
У сераду сіноптыкі абяццаюць дождж з раніцы, а далей час ад часу будзе з'яўляцца, нават, сонца, але тэмпература не дойдзе і да 20 градусаў пры праясненнях. Ды і вецер будзе амаль такі ж як і ў аўторак.
У чацьвер дождж чакаецца ў другой палове дня, зменіцца толькі накірунак ветру - стане паўднёвым, але тэмпература жа + 18 максімум.
У пятніцу зноў дождж, але паступова становіцца цяплей. Пасля абеду дождж спыніцца і тэмпература стане да +19.
Надзея застаецца толькі на выходныя. У суботу і нядзелю тэмпература па Аршаншчыне падыміцца Да +25, алё ўсё яшчэ з дажджамі і парывістым моцным ветрам.
