Мы ўжо пісалі, што на наш рэгіён ідуць мацнейшыя халады. Чым бліжэй да даты, тым больш дакладныя прагнозы робяць сіноптыкі. Прагноз на мінус 31 градус у ноч з суботы на нядзелю не спраўджваецца і цяпер сіноптыкі гавораць пра мінімум у −23 градусы ў ноч з нядзелі на панядзелак. Такім чынам, аршанцы не атрымаюць рэзкага холаду, затое ён будзе расцягнуты па часе. Прагноз на 6 дзён гаворыць, што маразы будуць заставацца як мінімум да чацьвярга. У ночы з серады на чацьвер прагназўуецца −13 градусаў.
Пад час мінулай непагадзі — калі ў рэгіёне назіраўся вялікі галалёд — наш рэгіён стаў эпіцэнтрам галалёда і атрымаў увесь спектар праблемаў. Пад час гэтых замаразкаў наш рэгіён таксама ў топах. Сіноптыкі паведамляюць, што найбольш халодная тэмпература па краіне сёння ў Талачыне −22. А найбольш снега сёння мусіць выпасці ў Сянно.
Проста для пазітыву прапануем вам відэа Дняпра, якім ён быў яшчэ некалькі дзён таму. Відавочна, што пасля выходных ён ужо такім не будзе.
Vasilyeu Siarhei
Классика ,в Р.Б. Это нармально.