Орша, Здарэнні

Затрыманы небяспечны злачынца

27.01.2021 10:32

4208 праглядаў, 0 каментароў

Мужчына здзяйсняў крадзяжы і месяцамі хаваўся ў лесе, там ён майстраваў сабе часовае жыллё. (Фота)

Кропку ў працяглых крымінальных прыгодах 54-гадовага злодзея-рэцыдывіста паставілі супрацоўнікі Талачынскага РАУС. Затрымаць злачынца ім атрымалася ў адным з мясцовых лясоў. Непадалёк ад яго пазней быў знойдзены закінуты склеп, які мужчына уладкаваў і ў ім хаваўся ад міліцыі. Інфармацыя і фота УУС Віцебскага аблвыканкама.

Да гэтага ён часта хаваўся і падоўгу жыў у лясах Талачынскага раёна. Характэрна, што зламыснік настолькі старанна ўмеў маскіраваць свае часовае жыллё, што пра іх не ведалі ні мясцовыя жыхары, ні работнікі лясгасаў. Высачылі падазраванага пасля чарговай кражы. Мужчына быў настолькі збянтэжаны з’яўленнем аператыўнікаў, што нават не стаў хавацца ад іх у густой нетры.

Як высветлілі сышчыкі, свае «подзвігі» злодзей стаў здзяйсняць адразу пасля выхаду з месцаў пазбаўлення волі. Усяго на рахунку падазраванага значыцца 9 крадзяжоў, а таксама разбойны напад на самотна пражываючага пенсіянера, якi адбыуся яшчэ ў мінулым годзе. Рэцыдывіст затрыманы, у дачыненні да яго распачата некалькі крымінальных спраў.