Суд Аршанскага раёну і гораду Оршы вынес прысуд па крымінальнай справе аб крадзяжы футры з крамы, паведаміла Белта.
Інцыдэнт адбыўся ў лістападзе летась. Выпіўшы, 26-гадовы аршанец зайшоў у адну з крамаў Оршы, дзе выкраў норкавае футра коштам 3,6 тысячы беларускіх рублёў. Падчас затрымання падазраванага яна была ў яго з сабой. Высветлілася, што мужчына хацеў падарыць футра дзяўчыне ў дзень нараджэння.
Суд прысудзіў аршанца да пазбаўлення волі на 2 гады з адбываннем пакарання ў папраўчай калоніі строгага рэжыму. Таксама яго будуць лячыць ад таксікаманіі і алкагалізму. Раней мужчына прыцягваўся да крымінальнай адказнасці за рабаванні і крадзяжы.
Прысуд яшчэ не ўступіў у законную сілу.
