Орша, Здарэнні

Ледзь не забіў суседку. Фота, відэа

23.07.2021 09:38

6267 праглядаў, 0 каментароў

У Оршы ледзь не загінула пенсіянерка

Не, справа не ў нейкіх кепскіх адносінах, а ў чыстай выпадковасці. 20 ліпеня ў 16-54 на пульт супрацьпажарнай службы паступіла паведамленне, што гарыць кватэра на Задняпроўскай вуліцы. Калі ратавальнікі прыехалі на месца здарэння, аказалася, што гарэўшая кватэра зачыненая. Чакаць гаспадара кватэры не выпадала — давялося ламаць замкі і пранікаць у памяшканне, каб патушыць пажар. Пакуль адны ратавальнікі ламалі дзверы і тушылі пажар, другія пайшлі па пад’ездзе, каб эвакуяваць жыхароў. Вось тут яны і пачулі стогны ў суседняй кватэры.

У кватэры адкуль даносіліся гукі дзверы не былі зачыненыя. Ратавальнікі змаглі хутка патрапіць унутар і знайшлі ляжачай на падлозе пенсіянерку 1931 года нараджэння. Жанчына была адзінай ахвярай вагню. Праўда, пасля абследвання медыкамі, выявілася, што шпіталізацыя ёй не патрэбная, але жанчына моцна перапужалася, бо яе жытло моцна задыміла і калі б яе хутка не знайшлі, жанчына сапраўды магла задыхнуцца.