Каля 10 гадзін сёняшняй раніцы на выездзе з Андрэеўшчыны адбылася значная аварыя. Па нашай інфармацыі пацярпеў кіроўца фуры.
Пасажырская вучэбная ГАЗэлька выязжала з гораду і прытармазіла, каб заехаць на паркоўку маршрутак. За ёй ехала фура гружаная зернем, кіроўца якой не разгадаў манёўр мікрааўтобуса і на ўсёй хуткасці (бачна ён ужо пачаў разганяцца пакідаючы населены пункт) ўрэзалася ў мікрааўтобус.
У выніку аварыі фура перакулілася, яе кіроўца - па нашай інфармацыі, атрымаў траўмы - па дарозе рассыпалася зерне, якое на доўгі час блакавала рух па дарозе. Маршрутка таксама пацярпела значна - яе задняя частка знішчана ўшчэнт.
