Гэта не першы тапелец у возеры Шчацінкаўскім у гэтым сезоне. У першай палове дня нешматлікія (усё ж такі купальны сезон сканчаецца) наведвальнікі Кар’ера маглі заўважыць на беразе вадаёма вялікую колькасць экстраных службаў. Тут былі і вадалазы МНС, і хуткая, і міліцыя. Бо паступіла паведамленне, што возеры патануў чалавек. Сапраўды прыблізна на сярэдзіне Кар’ера вадалазам удалося выцягнуць мёртвае цела.
Пакуль інфармацыі пра здарэнне мала, як казалі мясцовыя жыхары, мужчына можа аказацца грамадзянінам Расеі, бо тут нядаўна адпачывала з алкаголем кампанія выхадцаў з суседняй краіны. Але гэта прыватнае меркаванне.
