Аварыя адбылося на павароце ў бок бальніцы Сямашка каля 9 гадзін раніцы. Два легкавых аўтамабілі, здаецца, адзін з іх Фольксваген, другі Форд, сутыкнуліся на спуску з маста праз Аршыцу. Відавочна, што спускаючыся з маста (не рэдка тут аўтамабілі набіраюць хуткасць) першы аўтамабіль затармазіў перад пешаходным пераходам, а другі гэтага зрабіць не паспеў. Аварыя адбылася не надта цяжкай - памяты бампер, пабітыя фары, але машыны сталі так, што перагарадзілі ўсю паласу ў бок цэнтра. І іншым аўтамабілям даводзілася іх аб'язжаць па сустрэчнай паласе. Калі б гэта адбылося раней, у гадзіну пік, то дакладна ўтварыўся б затор.
