Аварыя адбылася 1 кастрычніка на скрыжаванні трасы Е95 і дарогі на Міцькаўшчыну. Не размінуліся два грузавікі МАЗ. Па фота - апублікаваным ДАІ - відавочна, што адзін з грузавікоў выязжаў з боку Міцькаўшчыны, менавіта ў яго была пашкоджана пярэдняя частка кабіны. Другі грузавік адкінула, ён выляцеў на тратуар, збіўшы агароджу, якая аддзяляе праезжую частку і ўчастак для пешаходаў. І там ужо перакуліўся, раскідаўшы па дарозе будаўнічыя блокі.
У выніку аварыі спатрэбылася дапамога МНС і хуткай, бо кіроўца перакуліўшагася грузавіка аказаўся заціснутым у кабіне і траўмаваным. Зараз ён у бальніцы.
