Рэгіён, Здарэнні

Матацыкл выкалупвалі з аўтобуса. Фота

13.06.2022 12:03

1306 праглядаў, 0 каментароў

На выходных на павароце на Татарск аварыя з пацярпелымі

Пра аварыю паведамляе адразу некалькі адмысловых службаў. Але фотаздымкі дасланыя нам відавочцамі, яўна ббольш гаворачыя. На павароце ад Барані на Татарск сутыкнуліся Матацыкал Хонда і мікрааўтобус Фольксваген. Мікрааўтобус пад кіраваннем 48-гадовага кіроўцы рабіў у гэтым месцы разварот назад на Барань і падставіў бок матаыцыклу. А за стырном матацыкла знаходзіўся не надта дасведчаны 19-гадовы кіроўца. Відавочна, што матацыкліст не зразумеў манеўра мікрааўтобуса і на ўсёй хуткасці ўляпіўся у бакавыя дзверы аўтамабіля.

Матацыкліст быў шпіталізаваны, але і ўдар па мікрааўтобусу таксама быў моцным. Яму змяла дзверы за якімі аказаўся заблакаваны пасажыр. У выніку давялося выклікаць не толькі ДАІ, але і ратавальнікаў, якія дэблакавалі пасажыра мікрааўтобуса. 14-гадовы хлопец з мікрааўтобуса таксама адправіўся ў бальніцу следам за матацыклістам.