Як стала вядома ад прэс-службы Палка імя Кастуся Каліноўскага, на расейска-ўкраінскай вайне знік Вадзім Шатроў. Яму было 44 гады. Ён стаў адным з тых, хто знік на баявой аперацыі, яшчэ некалькі байцоў трапілі ў палон. У баі загінуў і камндзір батальёну «Волат» Іван Марчук.
Вадзім Шатроў ужо 20 гадоў не жыў у роднай Воршы. Ён пераехаў ва Украіну, дзе жыў у Днепрапятроўскай вобласці. Меў жонку, траіх дзяцей і дом. У Вадзіма быў пазыўны «Папік», які ён узяў з-за любімага серыялу.
Як піша Радыё Свабода са спасылкай на словы паплечнікаў Шатрова, «Папік» вельмі здзіўляўся вялізнай колькасці беларусаў, якія прыехалі на вайну ва Ўкраіну. «Я бараню свой дом, а вы што тут робіце?» — часам у жарт, а часам усур’ёз казаў ён сваім сябрам.
Пры гэтым Шатроў ніколі не ўлазіў ані ў палітычныя пытанні, ані ўнутраныя праблемы палку — быў засяроджаны выключна на выканні баявых задач.
