Пра выпадкі каротка паведамляе сайт міліцэйскай газеты "На страже". Схема падману даўно вядома, пра яе папярэджваюць многія СМІ і нават абвесткі ў крамах. Але не да ўсіх даходзіць. Махляр званіць сваёй ахвяры ад імя банка і распавядае ўсялякія страшылкі і тлумачыць, што трэба тэрмінова пераслаць грошы на патрэбны рахунак.
У Оршы адну пенсіянерку такім чынам развялі на 5.000 даляраў і 1.600 рублёў. Другая пажылая аршанка страціла 8.000 еўра. Большых падрабязнасцяў пра гэтыя справы міліцыя не паведамляе.
