На днях у інтэрнэце адбыўся масавы перапост відэа аварыі, якая адбылася ў Чаромушках. На відэа зробленым 12 жніўня на аўтарэгістратар бачна як жанчына пачынае свой шлях па пешаходным пераходзе з боку дзіцячай стаматалагічнай паліклінікі, яе прапускае кіроўца маршруткі, які ехаў па крайняй паласе, але наступны кіроўца не заўважае пешахода і збівае жанчыну. На шчасце, удар быў не моцны, бо пешаходны пераход зроблены як штучная перашкода.
На наступны дзень на відэа, якое ўжо некалькі дзён актыўна распаўсюджвалася адрэагавала ДАІ. Сапраўды, як мы і думалі, ніхто з удзельнікаў аварыі не звярнуўся ў міліцыю. Але міліцыя сама адрэагавала на інтэрнэт. Прэс-служба ДАІ паведамляе, што кіроўца аўтамабіля прыцягнуты да адміністратыўнай адказнасці. Адназначна, што калі б хуткасць машыны была большай, а жанчына атрымала больш значныя траўмы, то магла быць крымінальная адказнасць.
