Бераснеў знаходзіцца ў зняволенні з красавіка гэтага года. Затрыманы па справе прафсаюзаў ён спачатку быў разам з іншымі падазраванымі па гэтай справе змешчаны ў СІЗА КДБ, так званую Амераканку, а пазней пераведзены ў СІЗА на вуліцы Валадарскага. На днях са зняволення ён змог перадаць паведамленне, што ў яго пачаліся праблемы са здароўем. Найбольш турбуюць болі ў адзінай нырцы. Справа ў тым, што з-за анкалогіі Васілю Ціханавічу ў 2018 годзе была выдаленая адна нырка. Сам ён падазрае, што болі з'явіліся з-за анкалогіі на другой нырцы. У такім выпадку яму неабходнае абследванне і адпаведнае лячэнне. Не зважаючы на тое, што ён пісаў звароты ў адміністрацыю СІЗА, на абследванне яго не адпраўляюць. Замест гэтага рэгулярна ставяць капельніцу з моцным абязбольваючым.
На фоне боляў у нырцы ў бераснева таксама палявічыўся ціск.
Вы можаце маральна падтрымаць аршанскага палітвязня даслаўшы яму ліст, або паштоўку па адрасе: СІЗА-1. 220030, г. Мінск, вул. Валадарскага, 2, Васіль Ціханавіч Бераснеў.
