Орша, Здарэнні

Не паспелі зарабіць 1000 даляраў

17.10.2022 15:34

1960 праглядаў, 0 каментароў

У Оршы затрымалі кампанію спорцікаў, якія каралі наркакур’ераў

Спорцікі — новая крымінальная прафесія. Гэта маладыя людзі, якія як сілавыя структуры наркагандляроў рэгулююць канфлікты ўнутры наркабізнэса. Калі нейкі закладчык (разробны гандляр наркотыкаў), напрыклад, не разлічваецца своечасова з буйным пастаўшчыком, то тоц накіроўвае спорцікаў. Самі ж спорцікі за збіццё і іншае сілавое ўздзеянне на правініўшыхся атрымліваюць адпаведныя ганарары.

Гэтая брыгада спорцікаў, якую на мінулым тыдні затрымалі ў Оршы, складалася з трох чалавек: 18-гадовы непрацуючы хлопец, 16-гадовы навучэнец аднаго з ліцэяў і 15-гадовая дзяўчына. Заказчык, у прыватнасці, хацеў, каб ахвяры-нарказакладчыку адрэзалі палец. За звычайнае збіццё ён прапаноўваў меньш, а за палец цэлую тысячу даляраў. Калі на спорцікаў накінуліся супрацоўнікі АМАПу яны як раз збіраліся зарабіць тысячу.