Учора ў Оршы быў затрыманы малады чалавек з Магілёва з небяспечным грузам. Груз - 50 грамаў небяспечнага наркотыка мефедрон. 50 грамаў - гэта амаль 50 порцыяў. Іх ён павінен быў раскласці па нашым горадзе, у гэтым і было ягонае заданне ад наркагандляроў для выканання каторага маладзён і прыехаў у Оршу.
Затрыманне такога кур'ера можна лічыць поспехам аршанскай міілцыі. Вылічыць "закладчыкаў" дастаткова складана. Але затрыманне кур'ера не азначае спыненне пастаўкі наркотыкаў у Оршу. Наркотыкі гэтыя ідуць у Беларусь з боку Расіі, а затрымаць расейскіх вырабнікоў наркотыкаў і кіраўнікоў інтэрнэт-крамаў беларуская міліцыя не можа.
