Малады 29-гадовы мужчына захапіўся гародніцтвам. Станоўчы, добры занятак. Ён пабудаваў побач са сваім прыватным домам невялічкую цяплічку дзе і ў зімовы перыяд стаў вырошчваць розную зеляніну для атрымання вітаміньчыкаў. У цяпліцу ён купіў якасны грунт, павесіў адмысловыя лямпачкі, каб расліны не пакутвалі ад недахопу сонца ў нашым шыротах. І ўраджай пайшоў.
Для цела карысць была і аршанец вырашыў развівацца ды эспераментаваць. Наступным крокам ён вырашыў завесці сабе новую расліну, на гэты раз для душы. Мужчына высадзіў куст канаплі.
Гэты куст і стаў прычынай візіту міліцыянтаў да агародніка-аматара. Цяпер за батанічныя экспераменты мужчыне пагражае крымінальная адказнасць, якая, відавочна, пераўтворыцца ў паўнавартаснае зняволенне.
