Вуліца Піянерская ў Оршы складаецца з некалькіх не падобных адна на адну частак. Адна з іх суцэльны прыватны сектар, размешчаны на спуску за паліклінікай №1. Гэтыя прыватныя дамы агародамі ўпіраюцца прама ў гарадскі морг з рытуальнай заляй. Здавалася б, людзі прызвычайіліся да пастаянных траўрных працэсіяў, да слёз родных і да прысутнасці мерцвякоў у сваім жыцці. Насамрэч, да такога ніколі не прывыкнеш.
А тут яшчэ на самой Піянерскай з'явілася новая шыльда з надпісам "Ритуальный зал". Гэта рыхтуецца да адкрыцця новая прыватная рытуальная заля. І вось тут людзі запратэставалі: дзяржаўная заля хаця і побач, але ж за агародамі, а гэтая проста пад вокнамі. Жыхары прыватнага сектару ўжо сабралі подпісы супраць адкрыцця Рытуальнай залі.
Зразумела, што і ўладальнікі пакуль не адкрытага бізнэса супраціўляюцца - грошы ўжо ўкладзеныя і не чакалася, што людзі будуць супарць. Чым скончыцца гэты канфлікт цікава паназіраць.
