Сядзіба Макшыцкіх
Знаходзіцца ў Аршанскім раёне ў пасёлку Высокае. Пабудова пачатку ХХ стагоддзя.
Стыль сядзібы - неакласіцызм. Будынак з цэглы, якую пан Макшыцкі замовіў у Лондане. Вакол захаваліся рэшткі вялізнага парку, дзе растуць дрэвы з розных краін свету.
Тут некалі размяшчалася школа-інтэрнат. Да нашых дзён захаваўся каменны флігель 1912 года і каменная частка панскага дома.
Цяпер гэта прыватная ўласнасць, але ўладальнік спрабуе прадаць будынак.
Манастыр бернардзінцаў у Дуброўне
Манастыр бернардзінцаў у Дуброўне з’явіўся ў сярэдзіне XVII стагоддзя. Яго заснавалі каталіцкія манахі. Гэта было важнае месца для вернікаў і жыхароў горада. Тут быў касцёл Святога Антонія Падуанскага і будынкі, дзе жылі манахі. З цягам часу манастыр неаднаразова пацярпеў ад войнаў і пажараў.
Да 1930 года савецкія ўлады закрылі касцёл, а будынак з гісторыяй перадалі пад адміністрацыйныя патрэбы. У 1996 годзе будынак часткова адрэстаўравалі.
Унутранае аздабленне не захавалася, але звонку можна ўбачыць арачныя вокны і элементы старога фасаду.
Аўкцыён адбудзецца 30 красавіка, стартавая цана - 42 рублі.
