Сітуацыя з адным з адміністрацыйна затрыманых высветліцца заўтра ў судзе Аршанскага раёна і горада Оршы. Папярэдняе судовае разбіральніцтва па справе другога члена кришнаитcкой абшчыны, пасля заявы хадайніцтва аб пераносе судовага паседжання ў сувязі з камандзіроўкай, запланавана на 21 студзеня.
Па словах абвінавачаных стала вядома, што знаходзячыся каля гандлёвага дома ў Полацку, яны прапаноўвалі мінакам пагаварыць і азнаёміцца з некаторай літаратурай. У гэты час да іх падышла жанчына, якая прадставілася адміністратарам гандлёвага дома, і папрасіла адысці далей ад будынка. Крышнаіты выканалі просьбу, але праз некаторы час былі затрыманыя супрацоўнікамі міліцыі. Пратрымаўшы беспадстаўна іх каля шасці гадзін, не патлумачыўшы прычыны затрымання, іх правы і абавязкі, міліцыя выказала ім абвінавачванні ў "дробным хуліганстве", у тым ліку за нецэнзурную лаянку ў публічным месцы. Пасля складання пратаколаў на падставе заявы адміністрацыі гандлёвага дома, членаў крышнаіцкай абшчыны адпусцілі, а справы накіравалі ў суды па месцы іх рэгістрацыі - у Мінск і Оршу.
Трэба адзначыць, што нецэнзурная лаянка супярэчыць рэлігійных перакананнях крышнаітаў, як і абразлівае прыставанне да грамадзянаў і іншыя наўмысныя дзеянні, якія парушаюць грамадзкі парадак.
